٣ أخطاء تخلي رسمتك ما تصير باترن
Oct 19, 2026
كثير من البنات يراسلوني ويقولون نفس الجملة: "عندي رسمة حلوة، بس ما أعرف شلون أسوي منها باترن".
وأنا فاهمة هذه الأزمة، لأني مريت بنفس الشي. أول ما بدأت، كنت أرسم رسمة أحبها، وأحطها على القماش أو على المنتج، وتطلع مو مثل ما تخيلت. مو لأن الرسمة مو حلوة، بس لأن الباترن له طريقة تفكير ثانية غير الرسم.
اليوم أبي أشاركك ٣ أخطاء أشوفها عند أغلب المبتدئات، وشلون تتجنبينها.
الخطأ الأول: رسمة مزدحمة وايد
لما تحبين رسمتك، تبين تحطين فيها كل شي: ورود وأوراق وطيور وخطوط وتفاصيل صغيرة.
بس لما تتكرر هالرسمة مئة مرة على القماش، التفاصيل تتزاحم وتضيع العين. الباترن الحلو يعطي العين مكان ترتاح فيه.
شنو تسوين: ابدأي برسمة بسيطة بعدد قليل من العناصر. إذا صارت حلوة وهي بسيطة، تقدرين بعدين تضيفين عليها.
الخطأ الثاني: تفكرين بالتكرار في الآخر
أغلب المبتدئات يرسمون الرسمة كاملة، وبعدين يسألون: "الحين شلون أكررها؟"
وهنا تبدأ المشكلة. لأن التكرار لازم تفكرين فيه من أول خطوة، مو بعد ما تخلصين الرسمة. إذا رسمتي بدون ما تفكرين كيف بتتكرر، تطلع لج فراغات وأماكن مزدحمة وحدود تبين.
شنو تسوين: قبل لا تبدين، اسألي نفسك: كيف بتتكرر هالرسمة؟ ورتبي عناصرها على هالأساس.
الخطأ الثالث: كل العناصر بنفس الحجم ونفس البعد
لما كل شي في الباترن بنفس الحجم ونفس المسافة، يطلع الباترن جامد وممل.
الباترن اللي يشد العين فيه عنصر كبير، وعناصر متوسطة، وتفاصيل صغيرة تعبي الفراغات. وفيه مساحات فاضية متعمدة تخلي الرسمة تتنفس.
شنو تسوين: نوعي في الأحجام، وخلي بين العناصر مسافات مو متساوية، عشان الباترن يطلع طبيعي ومرتب في نفس الوقت.
شلون أتعلم أرتب هذا كله؟
أنا سويت ورشة مسجلة اسمها "من رسمة إلى باترن"، فيها فيديو واحد مركز أشرح لج فيه بالتطبيق شلون ترتبين الفكرة، وتبسطين الرسمة، وتحولينها لتكرار قابل للاستخدام.
- الورشة للمبتدئات، ما تحتاجين خبرة قبل.
- فيديو واحد تشاهدينه وقت ما تبين، وتطبقين على رسمتك.
- سعرها ٢٠ دينار، وتنخصم من دورة فن تصميم الباترن لما يفتح التسجيل في نوفمبر.
- التسجيل مفتوح حتى ٣١ أكتوبر.
- إذا عندج سؤال، اكتبيه تحت الفيديو وراح تحصلين الجواب.
وإذا تبينتعرفين أهمية تصميم الباترن قبل ما تدفعين، عندي ورشة مجانية "استفد من فنك": ٣ دروس عن شلون تحققين دخل من رسوماتك.
وإذا عندك صديقة تحب الرسم، شاركيها المقال. التعلم مع صديقة أحلى وأسهل 🤍
دورة فن تصميم الباترن
الدورة الأولى من نوعها باللغة العربية اونلاين
من خلالها تتعلمين تصميم الباترن باحترافية وتبدئين بزنس اونلاين من خلاله تبيعين تصاميمك أو منتجاتك المميزة
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
