كل يوم أشوف مصممات عندهم نفس الشغف، نفس الحب للتصميم، ونفس الحلم

بس نتايجهم مختلفة تماماً

وحدة تبيع تصاميمها لشركات. والثانية تصمم كل يوم بس ما أحد يشتري. والثالثة عندها كل الإمكانيات بس واقفة مكانها

شنو الفرق بينهم؟

المشكلة اللي ما أحد يقولها لك

أكبر خطأ شفته خلال ٦ سنوات في هالمجال: المصممات يعتقدون أن المشكلة في تصاميمهم

"تصاميمي مو حلوة بما فيه الكفاية." "أحتاج أتعلم أكثر قبل ما أبدأ." "الناس اللي يبيعون عندهم شي أنا ما عندي."

الحقيقة؟ في أغلب الحالات المشكلة مو في جودة التصميم أبداً

المشكلة إن كل مصممة باترن تكون في مرحلة مختلفة ، وكل مرحلة تحتاج خطة مختلفة تماماً. واللي يصير إن المصممة تطبّق خطة مو حق مرحلتها

تخيّلي إنك تاخذين وصفة دواء حق شخص ثاني ، حتى لو الدواء ممتاز، ما راح ينفعك لأنه مو مصمم لحالتك أنتِ

نفس الشي بالضبط يصير في تصميم الباترن

٣ أخطاء تسويها المصممات بسبب هالمشكلة

الخطأ الأول: تتعلمين شي أنتِ أصلاً ما تحتاجينه الحين

مصممة عندها تصاميم حلوة تقعد تاخذ كورسات أساسيات ، وهي المشكلة مو في أساسياتها

مصممة ثانية توها تبدأ تحاول تتعلم التسعير والتفاوض ، وهي بعد ما سوّت أول باترن

كل وحدة تستثمر وقتها في المكان الغلط ، لأنها ما تعرف وين هي بالضبط

الخطأ الثاني: تقارنين نفسك بمصممة في مرحلة مختلفة

تشوفين مصممة تبيع لشركات كبيرة وتقولين "أنا ما راح أوصل لهالمستوى." بس ما تعرفين إن هالمصممه قبل سنتين كانت في نفس مكانك بالضبط

الفرق مو في الموهبة ، الفرق إنها عرفت شنو الخطوة اللي تحتاجها في مرحلتها وركّزت عليها

الخطأ الثالث: تنتظرين الوقت المثالي

"بعد ما أتعلم أكثر." "بعد ما أكون جاهزة." "بعد ما أحس بالثقة"

هالجمل سمعتها من مئات المصممات. والمصممات اللي وصلوا فعلاً؟ بدأوا وهم يحسون بنفس الشك ونفس الخوف ، بالضبط. الفرق إنهم أخذوا الخطوة الصحيحة لمرحلتهم بدل ما ينتظرون

الحل: اعرفي وين أنتِ أولاً

قبل ما تاخذين أي خطوة ، قبل ما تسجلين في كورس، قبل ما ترسلين تصاميمك لأي شركة، قبل ما تشترين أي أداة ، لازم تعرفين وين أنتِ الحين

لأن الخطوة الصحيحة تعتمد كلياً على مرحلتك

لهالسبب عملت اختبار قصير ، ٧ أسئلة بس … يحدد مرحلتك بالضبط ويعطيك

خطة عملية مصممة لمرحلتك أنتِ ، مو نصايح عامة. خطوات تبدأين فيها اليوم مو بعد شهر

ما ياخذ أكثر من دقيقتين. والنتيجة ممكن توفّر عليك شهور من الشغل في المكان الغلط

👇 اكتشفي مرحلتك الحين

ابدئي الاختبار هنا [✦ ما مرحلتك كمصممة باترن؟]

أول شي تحتاجينه في أي رحلة هو إنك تعرفين وين أنتِ بالضبط. لأن الخطة الصحيحة تختلف لكل مرحلة ، واللي ينفع وحدة ممكن يضيّع وقت الثانيةة