٥ أخطاء تقع فيها المصممة المبتدئة (الخطأ الرابع كلفني وقت وايد)
May 13, 2026
شفت هالأخطاء تتكرر كثير ، بعضها سويتها أنا شخصياً وبعضها شفتها عند غيري. الحلو إنها كلها قابلة للتصحيح
الخطأ الأول: التصميم بدون بحث
تصممين اللي يعجبك بس ما تدرين إذا السوق يبيه. الإحساس مهم بس مو كافي ، لازم تعرفين التوجهات وعشان جذي عملت تقرير التوجهات تقدرين تشوفينه هنا
الخطأ الثاني: الانتظار لين تكملين
«ببدأ لم أكون جاهزة» ، هالجملة أخرّت أحلام وايد ناس. الكمال عدو البداية
الخطأ الثالث: استخدام البرنامج الغلط
الآيباد حلو للرسم، بس لو تبين بزنس حقيقي، Adobe Illustrator هو الأساس. ورق جدران قياسه ٥ متر مستحيل تسوينه ببروكرييت
الخطأ الرابع: التسرع بمراسلة الشركات
وحدة من المتابعات سمعت قصصي وراحت على طول راسلت شركة عالمية. الشركة قالوا: أرسلي أعمالك. أرسلت صورة وحدة. وخسرت الشركة
الحماس حلو، بس بدون أساس ما يوصلك لمكان. هالخطأ كلفها فرصة حقيقية
الخطأ الخامس: ما تعرفين تسعرين
وايد مصممات تبيع بأسعار أقل من قيمة شغلها لأنها ما تعرف كيف تسعر. التسعير مهارة لازم تتعلمينها
كل هالأخطاء تقدرين تتفادينها إذا بديتي صح
الاثنين ١٩ مايو يبدأ تحدي تصميم الباترن ، ٣ أيام تصممين فيها باترن حقيقي من الصفر. الفايزة تحصل على خصم على دورة فن تصميم الباترن اللي بتفتح ٣٠ مايو ٢٠٢٦
سجلي في تحدي تصميم الباترن بالضغط هنا
أنت قوة ابداعية
عضوية نسائية للمبدعات الفنانات اللي تحب يكون عندها عمل ودخل اونلاين من فنها
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
