ما هو ترخيص التصاميم (Licensing)؟ وشلون أبدأ فيه؟
Nov 07, 2026
ترخيص التصاميم (Licensing) معناه إنج تسمحين لشركة تستخدم تصميمج على منتجاتها مقابل مبلغ، وتظلين أنتِ صاحبة التصميم. تبدين فيه بمحفظة أعمال واضحة وتواصل مع الشركات.
في معرض ميزون أوبجيه (Maison & Objet) في باريس، وقفت عندي بنت وقالت: "Fatma, is that you? Finally I meet you!"
انصدمت. ما عرفتها.
قالت إنها من الشركة الألمانية اللي أشتغل معاها بالترخيص من قبل، وما التقينا ولا مرة. شافت اللوقو وعرفت.
الشركة هذي لسه توصلني منها الفاتورة. ومن هنا عرفت قيمة الترخيص: تصميم يشتغل لج وأنتِ نايمة.
الترخيص غير بيع التصميم
في الترخيص أنتِ تحتفظين بالتصميم وتعطين حق استخدام بشروط. في البيع الكامل تنتقل الحقوق للشركة. العقد هو اللي يحدد كل شي، فاقرأيه زين.
شلون أبدأ؟
جهزي مجموعة تصاميم متناسقة، مو تصميم متفرق. وابحثي عن شركات تشبه أسلوبج، وكلميهم بأدب وبشكل واضح، بس أكيد قبلها لازم تكونين عارفة عن عقود الترخيص وفاهمه كل شي .
سجلي في الملفات المجانية وابدئي منها.
أسئلة شائعة
هل أخسر حقوق تصميمي في الترخيص؟
لا، غالباً تظلين صاحبة التصميم، بس اقرأي العقد.
كم أخذ من الشركة؟
يختلف على الاتفاق. اسألي قبل ما توقعين.
هل أحتاج وكيل؟
مو لازم. تقدرين تبدين بنفسج.
تعلّمي تصميم الباترن بالعربي مع فاطمه محمود. من الفكرة والرسم إلى التكرار والكوليكشن. شاهدي محتوى النسخة الذاتية وطريقة التعلّم. التسجيل من ١ إلى ١٤ نوفمبر ٢٠٢٦.
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
