ليش الكوليكشن اللي صممته بدون بحث… ما حقق مبيعات حلوة ؟
Apr 08, 2026
كان عندي إحساس إن التصميم الحلو يبيع بروحه بدون تعب
صممت، أنهيت الكوليكشن، نزّلته وانتظرت
المبيعات كانت لاتذكر. مو لأن التصميم سيء، بل لأني كنت أصمم بإحساسي بس، بدون ما أعرف شنو يبحث عنه السوق هالموسم
الإحساس مهم بس مو كافي
كل مصممة عندها عين جمالية. هذي نعمة حقيقية
بس السوق له إيقاعه الخاص. في ألوان تسيطر موسم وتختفي في الموسم اللي بعده. في أنماط تبدأ تظهر في أماكن كثيرة في نفس الوقت مو صدفة، بل لأن في توجه يتشكّل
المصممة اللي تعرف هذا الإيقاع، تبدأ تصميمها من نقطة مختلفة
شنو يعني تصممين "بتوجه"؟
ما يعني تقلدين أحد. ما يعني تتركين صوتك الخاص
يعني إنك تعرفين وين يمشي السوق وتضعين صوتك الخاص داخل هذا الاتجاه
الفرق كبير
المصممة اللي تصمم بتوجه، تبدأ بثقة. تعرف الألوان، تعرف الأنماط، تعرف شنو تقدم وكيف تقدمه
درس أخذته بعد كوليكشنات كثيرة
لما بدأت أبحث عن توجهات الموسم قبل ما أبدأ التصميم، تغيّر كل شيء
مو لأني صرت أصمم "للسوق" وأنسى نفسي، لكن لأني صرت أعرف شلون أخلي جمالياتي في المكان الصح
الكوليكشن اللي تصممينه بعين واعية بالسوق، يبيع أحسن. بسيطة
لهذا السبب كتبت تقرير توجهات الفن والتصميم
حتى ما تبدأين كوليكشن ربيع ٢٠٢٦ من الصفر أو بإحساسك بس
٣ توجهات كاملة، لوحات ألوان، مقترحات مجموعات، وكلمات بحث جاهزة.
المرجع اللي يخليك تبدئين من النقطة الصح
أنت قوة ابداعية
عضوية نسائية للمبدعات الفنانات اللي تحب يكون عندها عمل ودخل اونلاين من فنها
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
