اشتغلت على منتج كامل وركنته على الرف… لأن ما عرفت أبيعه
Jan 25, 2026
في يوم من الأيام… بعد ما تقاعدت، قررت أبدأ شيء يشبهني.
ما كنت أبي أشتغل أي شغل وخلاص،
كنت أبي أبدأ بزنس من شغفي، من شيء أحبه وأفهمه.
اشتغلت على منتج بكامل قلبي…
صممته، طبعته، رتّبت التغليف، سويت له ورقة تعليمات أنيقة…
كل شي كان جاهز.
فتحت حساب إنستغرام جديد، محد يدري عنه،
ما قلت لأحد، ما سوّقت، بس قلت:
"يلا… نزل المنتج، والناس راح تشتري!"
يوم…
يومين…
أسبوع…
شهر…
😅 ولا شي.
ما في ولا متابع.
ولا حتى إعجاب.
ولا طلب واحد.
متخيلين؟
وكنت مصدومة… شنو المشكلة؟
أنا اشتغلت على كل تفصيلة!
ليش ما نجح؟
اللي فهمته بعدين، واللي ما كنت أعرفه وقتها:
المنتج الجاهز مو كفاية… إذا ما عرفت تبيعه، كأنك ما سويت شي.
كنت أسمع الناس يقولون:
"سهالة، افتحي بزنس، نزل منتج، وراح تنجحين!"
بس محد علّمني شلون أتسوّق، وشلون أتعامل، وشلون أعرض شغلي بطريقة احترافية.
وتعبت…
وأحبطت…
والمخزون للحين عندي، في الرف، يذكرني بالبداية اللي كنت فيها "مو جاهزة كفاية".
وطبعا ماعرضت لكم المنتج لأن فعلا لي اليوم وايد عاجبني وعندي أمل ان ممكن في يوم من الأيام ارجع اشتغل عليه صح 🫣
هذي القصة، وهذا الدرس… هو بالضبط ليش سويت عضويتي.
لأني ما أبي أي وحدة ثانية تمر بنفس الغلطة.
🎯 داخل العضوية، أجهزت لكم دروس حقيقية عن:
- شلون تبيعين تصاميمك باحتراف
- شلون تفتحين موقعك الخاص (مثل Shopify) وتسوّقين له
- شلون تتعاملين مع العميل بذكاء، وتسوين له تجربة تخلّيه يرجع لك
- شلون تجهزين منتجك الرقمي أو المطبوع من A إلى Z، بطريقة تخليك فخورة فيه… وفخورة بنفسك و من نتائجه
✨ القصة اللي بدأت بإحباط…
صارت سبب إن اليوم، أساعد مصممات كثير يبدأون صح، من أول خطوة.
إذا تحسين إنك مجهزة شغلك بس ما تشوفين نتيجة؟
إذا عندك تصاميم أو منتجات، بس التفاعل قليل؟
إذا تحسين إنك تشتغلين كثير… بس المردود ما يعكس الجهد؟
العضوية هذي مصممة لك.
خليني أشاركك كل الأخطاء اللي وقعت فيها، وكل الطرق اللي قدرت أتعلم منها،
علشان أنتي تبدأين من مرحلة متقدّمة، بثقة، ووعي، ونظام 💛
أنت قوة ابداعية
عضوية نسائية للمبدعات الفنانات اللي تحب يكون عندها عمل ودخل اونلاين من فنها
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
