هذا المفرش بدأ كدرس في تحدي حبيته وعملت المفرش
Dec 29, 2025
هذا المفرش بدأ كدرس في تحدي حبيته وعملت المفرش
وأنا أشرح أحد دروس تحدي تصميم الباترن صممت باترن بسيط أمام المشتركات
ما كان مشروع
ولا كوليكشن
ولا حتى فكرة جاهزة للبيع
كان مجرد تمرين
لكن بدل ما ينتهي دوره مع انتهاء الدرس… قررت أطبع هذا الباترن على قماش
ومن القماش عملت مفرش
واليوم صار منتج حقيقي في الستور
هني وقفت وسألت نفسي
كم فكرة، كم رسمة… كم تمرين راح يضيع بس لأننا نستهين فيه؟
ليش التمارين الإبداعية مو شي بسيط؟
وايد فنانات ومصممات يشوفون التمارين على إنها شي نتدرّب فيه وخلاص
لكن أغلب المنتجات الإبداعية تبدأ كتمرين
الفرق مو بالموهبة ولا بالأدوات ولا حتى بالفكرة نفسها
الفرق بعقلية
هل أشوف هذا التمرين كنهاية؟
ولا كنقطة بداية؟
شنو يعني تصميم باترن فعلًا؟
تصميم الباترن مو بس رسمة حلوة تتكرر
:هو
- طريقة تفكير
- شلون تشوفين العناصر
- شلون تتخيّلين استخدامها على منتجات حقيقية
باترن ممكن يصير
- قماش
- مفرش
- ورق جدران
- دفاتر
- ملابس
- أو حتى هوية بصرية كاملة
وهذا بالضبط اللي خلاني ما أرمي أي رسمة اليوم
كل رسمة صارت احتمال
من تمرين… إلى منتج
هذا المفرش ما كان مخطط له يكون منتج. ما كان عنده “هدف تجاري” من البداية.
لكن لأن التمرين انشاف بعين مختلفة صار
- تجربة
- ثم تطبيق
- ثم منتج ملموس
وهذي اللحظة اللي تغيّر كل شي عند المصممة
لما تشوف شغلها يطلع من الشاشة للواقع
شنو علاقة هذا بتحدي تصميم الباترن؟
هذا بالضبط جوهر التحدي مو وعد بنتائج خيالية ولا احتراف كامل خلال أيام
لكن
- تجربة حقيقية
- تمارين بسيطة
- تغيير طريقة النظر للتصميم
:عشان بعد التحدي
- يا تكملين بثقة
- يا توقفين وأنتِ مرتاحة
والاثنين قرار صحيح لو كانوا مناسبين لك
لمن هذا التحدي؟
هذا التحدي مناسب لك إذا
- تحبين الرسم أو التصميم
- تفكرين بتصميم الباترن
- محتاجة تجربة قبل أي التزام طويل
مو مناسب لك إذا
- تبين نتائج سريعة بدون تطبيق
- أو تبين دورة شاملة من أول خطوة
إذا تحسين إنك دايمًا توقفين عند مرحلة
…“مجرد تجربة”
يمكن هذا التحدي يغيّر نظرتك.
تحدي تصميم الباترن
يبدأ 6 يناير🔹
أنت قوة ابداعية
عضوية نسائية للمبدعات الفنانات اللي تحب يكون عندها عمل ودخل اونلاين من فنها
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
