هل فنّي فعلًا مختلف عن فن الذكاء الاصطناعي؟
Dec 08, 2025
هل فعلًا اللي نرسمه اليوم له قيمة؟
ولا الذكاء الاصطناعي بيختصر الطريق علينا كلنا؟
سؤال يمكن مرّ في بالك …
ويمكن خفنا نعترف فيه حتى لأنفسنا.
الذكاء الاصطناعي اليوم يرسم بسرعة.
يطّلع صورة خلال ثواني.
ألوان متناسقة.
تكوين متوازن.
نظافة رقمية تبهر.
بس خليني أسألك سؤال ثاني…
هل عمرك “حسّيتي” بصورة طلّعها AI؟
ولا بس قلتي: واو؟ هذا شي عجيب وشلون سوا جذي!
أنا لما أرسم، ما أبدأ من “نتيجة.
أبدأ من إحساس.
من مشاعر.
من فكرة مو واضحة.
من لون شدّني فجأة.
أرسم… أغلط… أمسح… أغيّر… أرجع.
الخط اللي يطلع شوي مو مستقيم؟
هذا أنا.
اللون اللي طلع أدفى من اللازم؟
هذا مزاجي بهذيك اللحظة.
الفراغ اللي تركته لأني خفت أزحم اللوحة؟
هذا تردّدي.
الذكاء الاصطناعي ما يمرّ بهالرحلة.
هو يتغذّى على شغل غيره.
يحلّل، يركّب، يكرّر، ينسّق.
لكن ما “يحس”.
ما يشكّ.
ما يتردّد.
هو يعرف شلون يطلع شكل حلو…
بس ما يعرف ليش هذا الشكل مهم لك.
وفوق هذا كله…
فنّك مو بس صورة.
فنّك هو:
-
ذاكرتك
-
ثقافتك
-
ذوقك
-
تجاربك
-
مواسم ضعفك وقوتك
ليش تحبين درجات معيّنة؟
ليش تميلين للهدوء أكثر من الفوضى؟
ليش بعض الرسومات تطلع ثقيلة، وبعضها خفيفة؟
هذه كلها “أنتِ”.
الذكاء الاصطناعي ما عنده ماضٍ.
ما عنده خوف من البداية.
ما عنده فرحة أول نجاح.
ما عنده رهبة أول عميل.
هو أداة…
قوية؟ نعم.
مفيدة؟ أحيانًا نعم.
بديل عنك؟
لا.
يمكن الناس تنبهر بصور الذكاء الاصطناعي.
لكن اللي يحبّ الفن بعمق…
يدوّر على الصدق.
على العلاقة بين الرسام واللوحة.
على الأثر اللي يبقى بعد النظرة الأولى.
هل لا يزال الرسم اليدوي مطلوبًا في السوق؟
غالبية الشركات صارت تبحث عن تصاميم مرسومة بيد الفنان
لأنها تبي روح المصمم ماتبي تصميم مصنوع من قبل برامج الذكاء الصناعي!
وصارت بعض الشركات تطلب تشوف السكيتش حتى تتأكد انها من صنع يد الفنان
فلو سألتي نفسك يوم:
“هل فنّي له قيمة بعد كل هذا؟”
أبيك تسمعين الجواب وتثقين بنفسك:
إي…
طالما أنتِ حاضرة ، وفيه من روحك.
ويمكن…
هذا هو الفرق اللي لا يمكن لأي خوارزمية تقلّده.
والحين ، أتوقع داخلك سؤال أكبر من الذكاء الاصطناعي…
يمكن تسألين نفسك:
“طيب… شنو أبيع من فني؟ وشلون أحوّله لقيمة حقيقية؟”
تعرفين جواب هذا السؤال داخل الملف/الكتاب الكتروني
“شنو أبيع؟”
دليل عملي يساعدك تفهمين شنو المنتجات اللي تطلع من فنّك فعلًا
وكيف تختارين اللي يناسبك ويناسب السوق
والحين ردي على وقوليلي، هل تحسين ان الذكاء الصناعي وبرامجه تنافسك وتنافس فن؟
أنت قوة ابداعية
عضوية نسائية للمبدعات الفنانات اللي تحب يكون عندها عمل ودخل اونلاين من فنها
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
