خمسة أسباب تمنعك من كسب المال من تصميم الأنماط

اذا تحسين انك تشتغلين وتبدعين في عمل تصاميم بس مو قادرة تحققين أرباح، فأكيد في أخطاء مخفية هي السبب وراء توقف نجاحك! 

وايد ناس يدخلون عالم التصميم بحماس وشغف، لكن عقب فترة يحسون إن مافي نتيجة واضحة – لا مبيعات، لا عملاء، ولا فرص حقيقية!

والنتيجة، احباط ..  ويأس ..  وتوقف عن العمل

خلونا نكشف عن 5 أخطاء قاتلة تمنعك من الربح كمصممة ،مع الحلول اللي راح تخليك أخيرًا تبدأين بتحقيق الدخل من عملك لو طبقتي اللي بذكره بطريقة مستمرة! 

5 أسباب تمنعك من كسب المال من تصميم الأنماط

1️⃣ تصاميمك غير موجهة لسوق واضح

المشكلة:

إذا تصاميمك عامة جدًا بدون تخصص، أو إذا قاعدة تسوين أنماط بدون تفكير في السوق اللي بيشتريها، فهني المشكلة الأساسية!

 الحل:

✔️ حددي منو الفئة اللي تبين تبيعين لها (أصحاب البراندات، محلات الأقمشة، شركات الطباعة عند الطلب، إلخ).

✔️ ركزي على نوع معين من الأنماط (مودرن، تقليدي، كرتوني، للأطفال، إلخ).

✔️ شوفي شنو الأنماط اللي قاعدة تبيع فعليًا في السوق، وابدئي بابتكار أنماط تناسب هذا التوجه.

🛑 ليش مهم؟

إذا الناس ما يعرفون وين يناسب شغلك، راح يكون صعب يقررون يشترون منك!

2️⃣ ما تعرفين كيف تسوقين لتصاميمك

المشكلة:

إذا تحسين إن الناس ما يعرفون عن شغلك أو ما يجذبهم يشترون، فالأكيد ان استراتيجية التسويق عندك ضعيفة!

 الحل:

✔️ ركزي على الإنستقرام، بينترست، ومتجر إلكتروني لعرض تصاميمك.

✔️ استخدمي الهاشتاقات المناسبة (#تصميم_أنماط، #أقمشة_مميزة، #سطحيات_فنية).

✔️ جربي الإعلانات الممولة ولو بمبلغ بسيط عشان تشوفين شنو يجذب الجمهور.

✔️ أنشئي محتوى تعليمي (مثل ريلز عن طريقة رسمك أو كيف تستخدم الأنماط في المنتجات).

🛑 ليش مهم؟

لأن أفضل تصميم في العالم ما راح يبيع نفسه بروحه، لازم يعرفون الناس عن شغلك!

3️⃣ تعتمدين على طريقة واحدة فقط للربح

المشكلة:

إذا بس تحاولين تبيعين تصاميمك بطريقة وحدة (مثلاً ترخيص الأنماط فقط)، فإنتي قاعدة تضيعين فرص ثانية لكسب المال!

 الحل:

✔️ جربي أكثر من طريقة:

•   بيع الأنماط على مواقع Stock Art مثل Patternbank و Creative Market.

•   الطباعة عند الطلب Print-on-Demand في مواقع مثل Redbubble و Society6.

•   تقديم خدمات تصميم مخصصة للعلامات التجارية والمتاجر.

•   بيع تصاميمك كمنتجات ملموسة على Etsy أو متجرچ الخاص.

🛑 ليش مهم؟

التصميم مجال فيه أكثر من طريقة للربح، ليش تحصرين نفسك بطريقة وحدة فقط؟

4️⃣ ما تستثمرين في نفسك وتطوير مهاراتك

المشكلة:

إذا تحسين إن مستواك ثابت وما تحسين بتحسن، فهذا معناه إنك مو قاعدة تستثمرين في تعلم مهارات جديدة!

 الحل:

✔️ تعلمي مهارات تسويقية مثل التسعير الصحيح، كتابة أوصاف المنتجات، وتحليل السوق.

✔️ شاركي في دورات وورش عمل متخصصة في تصميم الأنماط والتسويق.

✔️ انضمي لمجتمع مثل القوة الإبداعية اللي يساعدك على التعلم والتطور من خلال استشارات مع مصممين محترفين.

🛑 ليش مهم؟

لأن المصممين اللي يستثمرون في نفسهم هم اللي يحققون النجاح والربح على المدى الطويل.

5️⃣ تخافين من نشر شغلك وتسوين Overthinking!

المشكلة:

إذا تحسين إن تصاميمك “مو جاهزة” أو دايمًا خايفة من النقد، فأنتي قاعدة توقفين نجاحك بنفسك!

 الحل:

✔️ لا تنتظرين الكمال، انشري تصاميمك حتى لو تحسين إنها “مو مثالية”.

✔️ جربي مشاركة تصاميمك على السوشال ميديا بشكل مستمر بدون خوف.

✔️ تقبلي النقد كمصدر لتطوير مستواك، مو كسبب للإحباط.

✔️ سوي تحديات مثل “تصميم يومي لمدة أسبوع” حتى تعودي نفسك على الإنتاج السريع.

🛑 ليش مهم؟

لأن المصمم اللي يشارك أعماله هو اللي يحصل على الفرص، بينما اللي يخاف يظل مجهول!

كيف تبدين بالحصول على ربح كمصممة باترن؟

✅ حددي سوقك المستهدف وعرفي منو اللي ممكن يشتري تصاميمك.

✅ طوّري مهاراتك التسويقية وتعلمي كيف تعرضين شغلك بشكل احترافي.

✅ جربي أكثر من طريقة للربح، لا تحصري نفسك بشي واحد.

✅ استثمري في تطوير مهاراتك سواء في التصميم أو في الجانب التجاري.

✅ دعي الإنتاج أهم من الكمال، ولا تخافي من مشاركة تصاميمك!

💡 جاهزة تاخذين الخطوة الجاية؟

انضمي لعضوية أنت قوة إبداعية وكوني جزء من مجتمع راح يساعدك تطورين مهاراتك وتحولين تصميم الأنماط إلى مصدر دخل حقيقي! 🎨✨

🔗 [انضمي الآن]