قالت لي: مو شغلچ!" … واليوم صار شغلي فعلًا!

من فترة طويلة، قبل لا أبدأ البزنس كنت أتابع وحدة فنانة على إنستغرام.
تصاميمها حلوة، وأسلوبها يشد الانتباه، وبيوم من الأيام شفت بوست لها تقول فيه إن تصميمها صار متاح على سبونفلور كقماش وورق جدران.

وقتها، كنت أعرف سبونفلور واعرف فكرته بس كنت اشوف النسبة وايد بسيطة معقولة يسوى احط جهدي فيه واربح منه

فجمعت شجاعتي، وكتبت لها رسالة مهذبة:

" حابة اسألج عن سبونفلور ، هل العمل فيه يسوى وممكن احقق منه ربح؟ "

ردت علي بجملة قصيرة جدًا

😂 😅 "مو شغلچ."
وانتهى الموضوع.

ضحكت، بس في نفس الوقت حسّيت ياني كف هههه...
كنت بس ابي اعرف يسوى اضيع وقتي فيه او لا قبل لا ابدأ

 كنت محتاجة أحد يقول لي:
"إيه، جربي. تعالي، أقولك من وين تبدين."

لكن بدل ما أسكر الصفحة، قررت أفتح باب جديد بنفسي.
بدأت أبحث عن، دورت وايد عن المنصة، جربت أرفع تصميم، وأخبط، وأرجع أعدّل، وأجرّب مرة ثانية.

وبعد فترة فوق الخمس شهور تقريبا…
وصلني الإيميل اللي غيّر كل شيء:

"You’ve made a sale."

تتخيلين شعورك لما أحد، في مكان ما من هذا العالم ،يشوف تصميمك ويقول: "ابي هذا الجمال في بيتي."؟كان شعور قوي… مو بس لأني بعت، بل لأني عرفت:،
أنا أقدر.

ومن هذيك اللحظة، عرفت إن تجربة الزعل البسيط من "مو شغلچ"—كان دافع لي لطريق جديد.
طريق أكون فيه فنانة ومبدعة .

💡 واليوم…

أنشأت عضوية "أنتِ قوة إبداعية" عشان أكون الصوت اللي يقول لك:

إي شغلچ! وشغلك جميل، ويستاهل يطلع للنور ،و تستحقين تستمتعين بهذا العالم وتاخذين فرصتك فيه ، لأن العالم الابداعي مو حصر لأشخاص محددين لا هو لكل مبدع ومبدعة حابين يستمتعون ويستفيدون منه

في العضوية بناء على طلب العضوات المبدعات قررت ان محتوى نوفمبر ٢٠٢٥ يكون عن سبونفلور، واشلون تفتحين حساب وتبدين ترفعين تصاميمك وشلون تربحين منه:

• دروس تفصيلية لبدء متجرك في Spoonflower
• مو بس باترن، اي تصميم اي رسمة تقدرين تستخدمينها وتربحين منها
• و أيضا مراجعة لتصاميمك قبل النشر
• وأهم من هذا كله: دعم مجتمعي يشبهكِ، ويمدكِ بالثقة.

لو قلتي لنفسك:
"ودي أبيع تصاميمي، بس ما أعرف من وين أبدأ…"

سبونفلور بداية حلوة وما تكلفك شي

وهالمرّة؟
أنا أول وحدة بقول لك:

"هذا شغلك… وبنخلّيه ينجح مع بعض، إن شاء الله"