مو لازم تكونين جاهزة علشان تبدين.

وأقولها لك من تجربة… مو نظرية.

أنا أعرف رهبة البدايات.

أعرفها عدل.

مو من بعيد… من الداخل.

من يوم تقعدين تفتحين الدفتر… وبعدين تسكرينه.

من يوم تقولين “هذي الفكرة بتكون بدايتي!”، وبعدين تنط فكرة ثانية، وتأخذك بعيد.

أعرف شعور “الحماس اللي ما يكمل”، والـ “باجر أبدأ”، والـ “أنا مو كفاية”.

بس أبي أقولك اليوم شي…

رهبة البداية طبيعية.

وما تعني إنك مو مستعدة، ولا تعني إنك مو موهوبة، ولا تعني إن حلمك أكبر منك.

تعني بس إنك إنسانة… قلبك متعلق بشي تحبينه، ومخك خايف تخسرينه لو ما ضبط.

بس خل أقولك سر؟

اللي يبدون ما يكونون جاهزين… بس يكونون شجعان شوي.

مو دايمًا أقوياء، مو دايمًا واثقين…

بس في لحظة صغيرة قالوا: “راح أبدأ، وبشوف وين توصلني هالخطوة”.

وكل بنت ناجحة اليوم كانت مثلك.

تايهة شوي…

تتفلسف أحيانًا على دفاترها بدل ما ترسم…

تأجل، وتشك، وتحوس بين مية فكرة…

بسها كانت لحظة، لحظة وحدة، قررت تبدأ.

أنا كتبت لك هالكلام علشان أذكّرك بشي:

بدايتك ما لازم تكون كاملة، بس لازم تبدين.

اكتبي أول سطر، حتى لو مو مرتب.

ارسمي، حتى لو مو متأكدة من الفكرة.

قولي “هذي أنا… وهذي البداية” وخلي كل شي ثاني ايي بعدين.

البداية الحقيقية مو بالمثالية…

البداية الحقيقية تصير لما تقولين لنفسك:

“أنا أستحق أجرب. أستحق أعطي شغفي فرصة.”

📍 ولو تحسين إنك تحتاجين شي يساعدك تبدأين خطوة بخطوة؟

أنا سويت لك ملف مجاني اسمه “من هنا ابدأ”، فيه تمارين وأفكار …

يساعدك تكتبين أول فكرة، ترسمين أول خطة، وتبدين بداية تشبهك 💛

🎁 حمّليه من هنا فقط سجلي ايميلك ويوصلك في صندوق الوارد:

📩 سجلي ايميلك هنا  

وإذا بعد هالخطوة تحسين إنك تبين أحد يمشي معاك كل الطريق،

وما تدرين شلون تحولين شغفك لخطة، ومشروع، ومصدر دخل؟

عضوية القوة الإبداعية سويتها علشان بنات مثلك تمامًا.

نشتغل مع بعض، نتحمس مع بعض، نكمل بعض.

 📩 شوفي التفاصيل هنا 

رسالة أخيرة؟

مو مهم متى تبدأين…

المهم إنك ما تخلين الخوف يسرق حلمك، ويخلي فوضى البداية تصير نهاية قبل لا تبدأ.

أنا مؤمنة فيك، حتى لو أنتِ للحين مو مؤمنة في نفسك كفاية.

وقلبك يعرف الطريق… بس ينتظر إذنك.

فهل نبدأ؟