كيف تبيعين تصاميمك على الإنترنت؟ استراتيجيات ونصائح للمبتدئات

 مرات نكون قاعدين، نطالع تصاميمنا – الباترن اللي تعبنا عليه، التفاصيل الصغيرة اللي حبيّنا نرسمها، أو الألوان اللي تعبّر عن ذوقنا – ونسأل نفسنا:

هل في أحد ممكن يشتري هذا؟

هل ممكن أصمم وأبيع وأكسب من شغلي؟

الجواب باختصار: نعم، تقدرين.

بس البداية أحيانًا تكون مربكة. في هالمقال، بحاول أختصر لك الطريق، وأعطيك خطوات عملية + تجارب واقعية تساعدك تنطلقين بثقة.

١. اختاري منصة تناسبك

مو كل المنصات تنفع للجميع.

 Etsyبعض الناس يبدعون على 

Creative Market أو Gumroad بعضهم ينجحون على 

أو حتى عبر متجر خاص، بس خلي في بالك دايما السوق يتغير كل يوم

مثلا ،لغت شركة اتسي في ٢٠٢٥ خدمة أكثر من دولة من ضمنها الكويت بسبب مشاكل الدفع وانها لغت تعاملها مع الباي بال

سؤال اسأليه نفسك

هل تبين منصة جاهزة وسهلة؟ ولا تفضلين تكونين مستقلة أكثر؟

ابدئي من المكان اللي تحسين إنه “أسهل خطوة اليوم”، مو “أفضل خطوة نظريًا”.

٢. جهزي منتجاتك بطريقة ذكية

حتى أجمل تصميم ما راح يبيع إذا ما كان واضح وسهل الاستخدام.

يعني:

•   نظّمي ملفاتك: سميها بوضوح، خليها جاهزة للتحميل.

٣. احكي قصة التصميم

الناس ما تشتري ملف فقط، تشتري إحساس، فكرة، قصة.

شنو كانت فكرتك؟ ليش اخترتي الألوان؟ وشنو ترمز له الزخرفة؟

حتى لو شيء بسيط، قصتك تعطي التصميم قيمة ما يقدر الذكاء الاصطناعي ينافسك فيها.

٤. سعّري صح، بس لا تخافين

كثير من المبتدئين يبدؤون بأسعار أقل من اللازم لأنهم يحسون إنهم “ما يستحقون”.

حطي ببالك: إنتي قاعدة تبيعين مهارة + وقت + ذوق فني.

ابدئي بسعر يناسب السوق، بس لا تبيعين تعبك بسعر بخس.

٥. تعلّمي التسويق… على قدك

مو لازم تصيرين خبيرة تسويق، بس معرفة بسيطة تساعد كثير.

•   نزلي محتوى يبين شغلك (ريلز، صور، خلف الكواليس)

•   كلمي جمهورك كأنك تكلمين صديقاتك

•   لا تستحين من التكرار – الناس تنسى، ويحتاجون يشوفون المنتج أكثر من مرة

وأخيرًا…

البيع مو دايم سريع، ولا مضمون من أول مرة.

بس كل مرة ترفعين فيها تصميم، تصيرين أقرب.

وكل تفاعل أو رسالة أو طلب، هو خطوة لبناء مصدر دخل إبداعي.

تبين تمشين في الطريق هذا مع ناس يشبهونك؟

قريبًا راح نفتح باب العضوية الخاصة بالمصممات " أنت قوة ابداعية" – مكان نتعلم فيه مع بعض، نشارك مراحلنا، ونشجع بعض على الاستمرار.

حابة تكونين من ضمن قروب المبدعات اونلاين! سجلي بقائمة الانتظار حتى نبلغك لم نفتح التسجيل وايضا تحصلين على هدية بمجرد تسجيلك بقائمة الانتظار، ملف يفيدك ويساعدك تعرفين شنو الخطوة القادمة

حتى لو ما اشتركتي معنا بالعضوية هذا الملف بيكون بداية حلوة لك

سجلي في قائمة الانتظار هنا

خليك قريبة، وإبدأي من اليوم… حتى بخطوة بسيطة.