كيف تحفظ ملفاتك من الضياع والتلف؟

من سنوات طويلة كنا نعتمد على الفلاش ميموري والهاردسك الخارجي لحفظ ملفاتنا، وهذه الأجهزة كانت معرضة لخطر انها تخترب، يصيبها فايرس ويروح كل الشغل معاها

وإذا تم تناقلها بين جهاز واخر ممكن تنقل الفيروس وتخر بالجهاز، كنا نمر بمشاكل كثيرة من هالنوع ، ياما تلفت كمبيوترات ولابتوبات من تناقل الفراش ميموري وشلغنا وملفاتنا كلها تضيع

واذا بنكون من النوع اللي يخاف يستخدم الأجهزة ويحتفظ فيها بجهازه بي فأيضا ممكن يتعرض لمشكلة بالجهاز ويروح كل الشغل

قبل فترة حصل موقفين ذكروني بحدث صار لي في ٢٠٠٨، صديقة لي مرت بنفس المشكلة ان مشروع تشتغل عليه بجهازها وضروب الملف وراح كل الشغل اللي تعبت عليه أيام، الموقف الثاني بنتي تقولي عندها مشروع بالمدرسة ومحتاجة فلاش ميموري حتى تاخذه صديقتها وتكمل المشروع معاها

تذكرت قوى 😟 حدث صار لي في ٢٠٠٨، كنت وقتها معلمة كمبيوتر وعندي ورشة كبيرة جدا أشرح من خلالها برنامج أدوبي انديزاين، ومركزة فيه على صنع المجلات وطباعتها، كانت ورشة وايد كبيرة وقوية وفيها شغل وايد، جهزت العرض التقديمي، والملفات اللي بوزعها ويطبعها، وايضا بروشورات وبنرات الورشة، المفروض اني اطبع كل هذا قبل الورشة باسبوع، يوم الطباعة افتح الكمبيوتر ما يشتغل، فجأة 😧 من نفسه قرر ان مايشتغل ، بس انا ذكية وحافظة نسخة من شغلي في الفلاش ميموري وبعد في هاردسك خارجي، دائما كنت احتفظ بأكثر من نسخة خوفا من حدث مثل هذا

حاولت اشتغل الفلاش والهاردسك بجهاز زميلتي ، ما يشتغل اي شي! 😫 حاولنا بجهاز ثالث أيضا ما يشتغل، بعد يوم من الاحباط واليأس ومارجع شي من الملفات، 😎 قررت اني أعيد عمل كل الشغل وعندي يومين بس حتى ألحق اطبع الشغل قبل موعد الورشة

يومين عمل متواصل، لحد ما خلصت الشغل وطبعته وخلصت الورشة على خير ونجحت الحمدلله، لم تحبون شغلكم تتحملون التعب، لأني اعشق المجلات دايما كنت حابة الورشة اللي بقدمها في تصميم المجلات وفعلا قدرت اعيد الشغل بيومين

وعلى فكرة، لي اليوم اطلب مجلات 🫣 بس تغير النوع قبل مجلات عامة اليوم صرت اطلب مجلات الديكور والتصميم والرسم 

بعدها قلت ، مابي أمر بمشكلة مثل هذه ولازم ألاقي حل، وتعرفت على دروبوكس 

Dropbox

، و فكرة التخزين السحابي، من يومها وأنا ما استخدم أي فلاش ميموري ولا أسمح لاي احد يعطيني فلاش ، هههههه تعلمت الدرس، اي شخص يحتاج ارسل له ملف ارسل رابط دروبكس وهو يحمله عنده، واذا باخذ ملف من أي شخص اطلب منه يرسله بالايميل 

وتعاملي مع الشركات والمصانع أيضا باستخدام دروبوكس، الشركات اللي اشتغل معاهم ارسل لهم رابط دروبوكس بكل تصاميمي واكبر فولدر ارسلته كان يحتوى على ٢٠ تصميم لورق الجدران متخيلين 🫢

نعم هو موقع باشتراك شهري، لكن هذا الاشتراك حفظ لي عملي من ٢٠٠٩ حتى اليوم! متخيلين، وايضا حفظ لي جهازي، لابتوب اشتريته في ٢٠١٠ لي اليوم بنتي تستخدمه للمدرسة وما اشتريت لها جهاز جديد

بعد هالموضوع، هل تفكرون تحفظون ملفاتكم بالأجهزة هذه أو تشتركون بأحد مواقع التخزين السحابي ؟