هل أحتاج أتعلم إليستريتور Adobe Illustrator عشان أصير مصممة باترن؟
Oct 26, 2026
مو لازم تبدين فيه، بس لو تبين تبيعين تصاميمج لشركات، إليستريتور (Illustrator) أداة تفيدج وايد. وتقدرين تتعلمينه خطوة خطوة، حتى لو ما فتحتيه قبل.
أنا تعلمت كل شي بنفسي. بعد ١٩ سنة في التعليم، دخلت عالم الباترن وأنا أتعلم كل شي من الصفر.
ليش الكل يقول إليستريتور Illustrator؟
لأن الشركات غالباً تحتاج ملف يكبر ويصغر بدون ما تضيع جودته. هذا اسمه ملف فيكتور (Vector). كتبت عنه قبل في ملفات الفيكتور والبيكسل في عالم تصميم الباترن.
ورسمي يدوي
كل تصاميمي مرسومة باليد. الإليستريتور ما يرسم عني. هو يساعدني أرتب الرسمة وأكررها وأجهزها.
الرسمة تظل رسمتج، والبرنامج أداة.
من وين تبدين؟
لا تحاولين تتعلمين البرنامج كله. تعلمي بس اللي تحتاجينه للباترن: تكرار الشكل، الألوان، وتصدير الملف.
هذا بالضبط اللي نمشي عليه في دورة فن تصميم الباترن (النسخة الذاتية)، ٨ فصول مسجلة والوصول لها مدى الحياة. انضمي لقائمتي البريدية حتى يصل اعلان فتح التسجيل.
من الأسئلة اللي توصلني
هل أقدر أصمم باترن بدون إليستريتور؟
نعم تقدرين تبدين بطرق ثانية، بس للملفات اللي تبيعينها للشركات تحتاجين برنامج احترافي مثل فوتوشوب واليستريتور، الفيكتور يسهل الشغل.
هل البرنامج صعب؟
في البداية يبين كبير. لما تتعلمين الأدوات الأساسية بس، يصير أسهل، وماتحتاجين تعرفين كل شي فيه نتعلم الشي اللي نحتاجه بس.
هل أتعلمه قبل الدورة؟
لا. الدورة تبدأ معج من الصفر.
المصادر والملفات المجانية
ابق على تواصل معنا
سجل بريدك الالكتروني لتصلك معلومات وفوائد عن هذا العالم الابداعي الجميل
